ANTÓN CORTIZAS (Ferrol, 1954)
En Baiona hai unha casa sen xanelas
porque o arquitecto esqueceu facelas.
 |
| Antón Cortizas |
Pero certo día un vello veciño
nunha das fachadas fixo un furadiño
e puido sacar ao sol as canelas.
********************************
Naceu un volátil bebé no Rosal,
de parto imprevisto, nun berce casual;
naceu de repente en un santiamén
medrou, colleu moza, casou e tamén
volatilizouse sen deixar sinal.
*********************************
Un día pegado a un televisorquedou frei Vicente, o frade prior.
Pasaron os anos e seguiu pegado.
“É santo”, correuse, e foi venerado:
San Televicente das series en Flor.
**********************************
Un indio poeta, de maneiras mansas,
loce gran plumaxe de plumas de gansa;
ter ten moitas plumas, mais non ten tinteiro,
e mentres cociña, con fume lixeiro
escribe poemas no ceo de Arkansas.
(Do libro Vaia tropa!, editado por Edicións Xerais, 2011)
